Хөргөгч, DVD тоглуулагч эзнээ хүлээж байна

Манай сонины редакцаас жил бүр зохион байгуулдаг хонжворт сугалаанд уншигчид өмнөх жилүүдээс илүү идэвхитэй оролцлоо. Өнөөдрийн байдлаар, сугалааны тохирлын 003265 дугаар бүхий “мини” хөргөгч, 003922 дугаар бүхий DVD тоглуулагчийн эзэн тодроогүй байна.

Супер хонжвор-“DELL” компьютерийг Замын-Үүд эмнэлгийн угаагч М.Батсүх хожлоо. Тэрээр 30 гаруй жил “ГЗ” сонин захиалахын зэрэгцээ бай­гууллага дээрээ хэвлэл түгээгчээр ажилладаг юм байна. М.Батсүх уг тохирлын эзэн болсон тухайгаа:
-Манай байгууллагын бараг хүн бүр “ГЗ” сонин захиалдаг болохоор суга­лааны дугаартай сониноо хадгалж байгаад, тохирол нийтлэгдсэн сонин ирсэн даруйд нь бөөгнөрч байгаад л тааруулсан. Би сонин тарааж байсан болохоор хамгийн сүүлд л сугалааны дугаараа харсан. Дугаарыг нь хараад өөртөө ч, нүдэндээ ч итгээгүй. Нөгөөдүүлээ хараадхаач, гэтэл манайхан хашгиралдаад л баяр хүргээд эхэлсэн. Үнэхээр их баяртай байна. Хүүхдүүд маань маргааш өглөө тосно, хамт олон маань ч бушуухан компьютерээ аваад ир гээд явуулсан хэмээн баярласан сэтгэлээ илэрхийлсэн билээ. Энэ долоо хоногийн хоёр дахь азтан нь Замын II ангийн 13 дугаар хэсгийн замчин Б.Батхайч. Хүүхэд ахуйдаа, тодруулбал 1986-1989 онд өсвөрийн дугуйчдын Төв аймгийн аварга, 1989 онд дугуйн спортын идэрчүүдийн Улсын аваргаар шалгарч байсан түүнд манай сугалаанаас унадаг дугуй таарчээ. Эднийх дөрвөн хүүхэдтэй, эхнэр Б.Золзаяа нь Мааньт өртөөнд жижүүр ажилтай. Сугалааны тохиролд хүүхдүүд нь их баярлаж байгаа гэсэн.
- Дунд хүүгийн маань дугуй нь жижигдээд байгаа юм. Энэ хүү маань дугуйн эзэн болж, “өмчлөх” байх даа. Хүүгээ сайн дугуйчин болгоно хэмээсэн билээ.

Сонины редакц

Эрхэм уншигч та бүхэндээ энэ удаа ОХУ-ын Буриад улсын Түнхэн аймгийн хийдийн тэргүүн хамба лам Дашлам Шаглахаевтай хийсэн ярилцлагыг толилуулъя. Тэрээр, буддын шашныг дэлгэрүүлэх, Монгол үндэстний өв соёл, урлаг, уламжлал зан заншлыг хойч үедээ өвлүүлэн үлдээхийн төлөө бие сэтгэлээ зориулж яваа нэгэн ажээ.

-Та өөрийгөө манай уншигчидад танилцуулахгүй юу?
-Би Буриадын Түнхэн аймагт төрсөн хүн. Одоо Түнхэн аймгийн болоод Рашаант сумын хийдийн тэргүүн хамба ламаар ажиллаж байна.1991-1995 онд Ленинградын Буддын шашны хийдэд ном үзсэн.

Уг хийдийг XIII Далай багш, Манай Буриадын Агваандоржиев багш, VIII Богд гэгээнтэн нар өөрсдийн хөрөнгөөр байгуулсан гэдэгДэлгэрэнгүй

Энэ сарын 20-доор хуралдахаар төлөвлөж байсан Хувь нийлүүлсэн нийгэмлэгийн Ерөнхий хорооны ээлжит хурлыг эчнээ хэлбэрээр хийхээр болжээ.

УИХ-ын дэд дарга Н.Энхболд тэргүүтэй манай парламентийн төлөөлөгчдийн саяхан БНСУ-д хийсэн айлчлалын үеэр Улаанбаатар төмөр замын Төлөөлөгчдийн газрыг Сөүл хотноо албан ёсоор нээв. БНСУ манай улстай уул уурхай, дэд бүтцийн салбарт хамтран ажиллах сонирхолтой байгаагаа удаа дараа илэрхийлж, өнгөрсөн хавар парламентийн төлөөлөгчдөө ирүүлж байсан билээ. УИХ-ын гишүүн Р.Раш, Г.Баярсайхан, ЗТБХБ-ын дэд сайд А.Гансүх, Төмөр замын газрын дарга Т.Батболд, УБТЗ-ын даргын үүрэг гүйцэтгэгч Д.Жигжиднямаа нар бүрэлдэхүүнд нь багтсан манай төлөөлөгчдийн энэ удаагийн айлчлалын үеэр уул уурхайн баялгийг олборлон ашиглах, шинэ төмөр зам тавих талаар хоёр тал хамтран ажиллах тохиролцоонд хүрчээ. Өргөн хүрээтэй энэ хамтын ажиллагаанд Сөүл хот дахь УБТЗ-ын төлөөлөгчийн газар идэвхитэй үүрэг гүйцэтгэнэ гэж хоёр тал үзэж байгаа аж.

2ТЭ116УМ айсуй

Украйн улсын Луганскийн илчит тэрэгний заводынхны манайд зориулан үйлдвэрлэсэн 2ТЭ116УМ серийн илчит тэрэг Монгол машинчтайгаар хэдхэн хоногийн өмнө аян замдаа гарчээ.

71 гэсэн үйлдвэрийн дугаартай уг илчит тэргийг Зүтгүүрийн аж ахуйн албаны дарга Б.Түмэндалай тэргүүтэй манай мэргэжилтнүүд газар дээр нь хүлээж аван зохих бичиг баримтад гарын үсэг зурж баталгаажуулснаар ийнхүү Монгол нутгийг зорьжээ. Манай байгаль цаг уурын эрс тэс, өвөрмөц нөхцөлд тохируулан бүтээсэн уг илчит тэрэгний жолоодлогын удирдлага бүрэн компьютержсэн бөгөөд машинчдын ажлын байрны нөхцөл барууны адил төстэй тэрэгнийхээс дутахааргүй тохь тухтай гэнэ. Уг илчит тэрэг ирэх есдүгээр сарын 1 гэхэд хилийн дээс алхах бололтой.

Цэцгийн баяр хийв

Баянгол дүүрэг “Цэцгийн баяр-цэцгийн мандал-2010” өдөрлөгийг Төмөр замын дээд сургуулийн өмнөх Усан оргилуу ùрт талбайд хийлээ. Энэ баярт тус дүүргийн хороо болон зарим албан байгууллагынхан тарьсан цэцгүүдээрээ оролцсон байна. Цэцгийн баярт төмөр замчдын дийлэнх оршин суудаг БГД-ийн нэг, хоёрдугаар хорооныхон идэвхитэй оролцож, цэцэгчин хамт олон болохоо харууллаа.
сонсгожээ.

Сугалаат худалдаа явууллаа

Шугам Замын Бизнес Худалдааны Төвөөс Багахангай, Мандал өртөөнд сугалаат худалдааг зохион байгууллаа. Сугалаат худалдааны супер шагнал нь LCD телевизор, DVD тоглуулагч, нэг гэр бүлийн нэг улирлын хэрэгцээний угаалгын нунтаг, нүүр гарын саван, хуванцар савны цуглуулга, хүүхдийн ком тоглоом, 20 хүнд гарын бэлэг зэрэг нийтдээ нэг сая төгрөгийн шагналын сантай байв.

Саяхан Монголын Чөлөөт бөхийн холбоо 2010 оны Улсын аварга шалгаруулах тэмцээнээ Дархан-Уул аймагт зохион байгуулсан билээ.

Энэ үеэр Монгол улсын спортын цол зэрэг олгох комиссын дарга Ч.Наранбаатарын тушаалаар чөлөөт бөхийн тамирчин Дархан ТҮГ-ын ахлах вагон үзэгч А.Мөнхбатад Монгол улсын спортын мастер цол олголоо. Ахлах вагон үзэгч А.Мөнхбат Бөхийн дээд сургуулийг багш-дасгалжуулагч , Төмөр замын дээд сургуулийг вагоны инженер мэргэжлээр төгссөн бөгөөд олон жил спортын тавцанд алдар нэрээ дуурсгасан шилдэг тамирчдын нэг билээ. Тэрээр насанд хүрэгчдийн УАШТэмцээнээс хүрэл, залуучуудын УАШТэмцээнээс хошой алтан медаль болон Олон улсын тэмцээнүүдээс 20 гаруй медаль авч байжээ.